Letra de la alabanza Sisa Shina Mamita del Coro La Nueva Esperanza
//Kambak punllapimi kuyak mamita
sumakmary kangui nishpa kantani//
//Kan shina kuyaka mana tiyanchu
sumak sisa shina ñuka mamita//
//Kuyashka mamita paguininimi
llullumanta pacha wiñachishkangui//
//Chayta yuyarishpa tucui shunguwan
paguininimary kuyak mamita//
//Kuyak mamitalla perdonapangui
ashkatami kanta piñachishkani//
//Sumak sisa shina ñuka mamita
chay piñachishkata kungaripangui//
//Ñukanchik mamita kawsakukpirak
tukui wawakuna kuyanakanchik//
//Mamita wañukpi llaquillatami
mamita illaklla kawsanakanga//
//Mama yuyakyakpi ama piñashun
yaya mamatapish kasunakanchik//
//Proverbios libropi chashna willakun
Dios mandashkataka kasunamanta//
